జాబిలికి వెన్నలకి పుట్టిన పున్నమిలే

జాబిలికి వెన్నలకి పుట్టిన పున్నమిలే  గంగలలో తేనెలలో కడిగిన ముత్యములే
ముద్దులోనే పొద్దుపోయే  కంటి నిండా నిదరొయే చంటి పాడే జోలలోనే
జాబిలికి వెన్నలకి పుట్టిన పున్నమిలే  గంగలలో తేనెలలో కడిగిన ముత్యములే

కన్నతల్లి ప్రేమ కన్నా అన్నమేది పాపలకీ
అమ్మ ముద్దు కన్న వేరే ముద్ద లేదు ఆకలికీ 
కన్నతల్లి ప్రేమ కన్నా అన్నమేది పాపలకీ
అమ్మ ముద్దు కన్న వేరే ముద్ద లేదు ఆకలికీ

దేవతంటి అమ్మ నీడే కోవెలే బిడ్డలకి
చెమ్మగిల్లు బిడ్డ కన్నే ఏడుపే అమ్మలకి
అమ్మ చేతి కమ్మనైన దెబ్బ కూడా దీవెన
బువ్వ పెట్టి బుజ్జగించే లాలనెంతో తియ్యన
మంచు కన్నా చల్లనైన మల్లె కన్నా తెల్లనైన అమ్మ పాటే పాడుకోనా
మల్లె కన్నా తెల్లనైన అమ్మ పాటే పాడుకోనా